http://ruv.is/frett/deila-um-hvalveidar-og-hvalskodun

Hvalveiðimenn og hvalaskoðunarfyrirtæki deila um hvort hagsmunir þeirra stangist á, eða hvort atvinnuvegirnir geti dafnað hlið við hlið. Tekjur af greinunum voru álíka miklar í fyrra, yfir milljarður króna af hvorri.

Í ár má veiða 229 hrefnur og 154 langreyðar í atvinnuskyni, en frá árinu 2006 hafa íslenskir hvalveiðimenn veitt 273 langreyðar og 296 hrefnur. Íslendingar hafa selt ríflega fjögur þúsund tonn af hvalaafurðum til útlanda frá árinu 1988 með hléum, fyrir tæpa 4,2 milljarða króna. Frá því að atvinnuveiðar voru heimilaðar að nýju árið 2006, hafa verið seld tæp 2.900 tonn af hvalaafurðum til útlanda fyrir tæpa 3,9 milljarða króna.

Rofar til í Japan

Langmestur hluti afurðanna hefur farið til Japan. Veiðar á langreyði hafa legið niðri undanfarin tvö ár, vegna erfiðra markaðsaðstæðna í Japan. Engu að síður hafa Japanar keypt ríflega 2.700 tonn af hvalaafurðum síðastliðin þrjú ár, fyrir tæpa 3,8 milljarða króna. Á síðasta ári nam salan 1.100 tonnum fyrir 1.300 milljónir króna samkvæmt bráðabirgðatölum frá Hagstofunni. Eitthvað virðist vera að rofa til á markaðnum í Japan því Kristján Loftsson, eigandi Hvals ehf, sem eingöngu hefur sinnt veiðum á langreyði, undirbýr veiðar í sumar milli Íslands og Grænlands.

Hrefnuveiðitímabilið stendur í sex mánuði en veiðarnar hafa nær alfarið einskorðast við Faxaflóasvæðið. Við þær starfa um tuttugu manns, fjórir bátar hafa leyfi til hrefnuveiða en tveir þeirra sinna hrefnuveiðum að einhverju marki.

Hvalveiðimenn og hvalaskoðunarfyrirtæki deila um hvort hagsmunir þeirra stangist á, eða hvort atvinnuvegirnir geti dafnað hlið við hlið. Tekjur af greinunum voru álíka miklar í fyrra, yfir milljarður króna af hvorri.

Eftirspurn umfram framboð

Af hverri veiddri hrefnu fást um 1.500 kíló af kjöti, þannig að 300 veiddar hrefnur til þessa hafa skilað um 450 tonnum af kjöti á markað frá því að atvinnuveiðar voru heimilaðar. Áætlaðar tekjur af veiðinni eru um 450 milljónir króna, en helmingur kjötsins hefur farið í sölu og helmingur á veitingastaði. Eftirspurn er meiri en framboðið og hrefnuveiðimenn hyggjast fullnýta kvótann þetta árið svo þeir geti boðið upp á hvalkjöt allt árið og mögulega hafið útflutning á því. Ferðaþjónustan hefur mótmælt hrefnuveiðum í Faxaflóa harðlega, og segja þær og hvalaskoðun ekki fara saman.

„Það hefur bara sýnt sig undanfarin ár að það hefur blómstrað hvalaskoðunin á meðan við höfum verið að veiða,“ segir Gunnar Bergmann Jónsson, talsmaður hrefnuveiðimanna. „Það er ákveðin lína sem var dregin í Faxaflóann 2009, við höfum haldið okkur fyrir utan þá línu. Hvalaskoðunarskipin fara aldrei út fyrir þá línu þannig að þarna verða ekki árekstrar og menn auðvitað geta alltaf verið með læti í kringum þetta en svona eru staðreyndirnar í málinu.“

Gestafjöldinn í hvalaskoðunarferðum þrefaldast

Á Íslandi eru starfrækt tíu fyrirtæki sem bjóða upp á hvalaskoðunarferðir og þar starfa um 250 manns yfir háannatímann og fimmtíu allt árið. Fjöldi gesta í hvalaskoðunarferðir hefur vaxið nær sleitulaust frá árinu 1995 og fjöldinn nær þrefaldast á síðustu tíu árum.

Árið 2002 voru gestirnir ríflega 62 þúsund. Í fyrra voru þeir 175 þúsund sem var metár, en tekjur hvalaskoðunarfyrirtækjanna námu um 1.100 milljónum króna á síðasta ári. Nefnd tveggja ráðuneyta kannar nú efnahagslega þýðingu hvalveiða, áhrif þeirra á ímynd landsins, en fulltrúar hvalveiða og hvalaskoðunarfyrirtækja eiga sæti í nefndinni. Helsta krafa hvalaskoðunarfyrirtækjanna þar er að Faxaflóinn verði friðaður fyrir hvalveiðum. Þau rekja fækkun hrefna í flóanum meðal annars til veiðanna, dýrin séu orðin styggari og það hafi dregið úr gæðum hvalaskoðunarferðanna.

„Þó að það sé erfitt að segja nákvæmlega hvað það er sem hefur áhrif á þessa miklu fækkun í flóanum, þá er það sennilega líka fæðan, en það er klárlega þeir hvalir sem eru skotnir þeir munu ekki verða sýndir,“ segir Rannveig Grétarsdóttir, formaður Hvalaskoðunarsamtaka Íslands. „Og við eigum mjög erfitt með að skilja af hverju það er ekki bara hægt að færa þessar hvalveiðar alveg út úr flóanum og vera ekki að stunda þær nær þessum hvalaskoðunarsvæðum. Það er nóg annað hafsvæði í kringum Ísland til að stunda þessar hrefnuveiðar á.“

Framkvæmdastjóri Hrefnuveiðimanna rekur fækkun hrefna í Faxaflóa, sem hvalveiðimenn hafa sömuleiðis orðið áskynja, fyrst og fremst til fæðuskorts. „Við viljum auðvitað að það sé sátt um þetta. Það virðist ekki vera neitt í augsýn að það sé svo, en menn verða að vera sanngjarnir og sýna sanngirni í þessu.“

http://visir.is/steypireydur-laskadist-i-hradsudu-i-hvalfirdi/article/2013704269937

Ég hafði bara sex mánuði en ég var búinn að segja að ég þyrfti tvö ár í þetta,? segir Þorvaldur Þór Björnsson, hamskeri hjá Náttúrfræðistofnun, sem annast hefur verkun beinagrindar úr steypireyðinni sem skolaði á land á Skaga sumarið 2010.

Kjötið af steypireyðinni var urðað á staðnum nyrðra en Náttúrufræðistofnun fékk aðstöðu til að verka beinin í hvalstöð Hvals hf. í Hvalfirði. Fjárveitinguna til verksins segir Þorvaldur hafa verið of litla og tímarammann of knappan.

„Bjargvætturinn var Kristján Loftsson í Hval. Hann átti stóran pott fyrir þetta og veitti mér þá aðstoð sem hægt var á þeim tíma – sem bjargaði þessu alveg. Þannig að hann á allan heiður skilið að verkið sé þó komið þetta langt,“ segir Þorvaldur.

Notað var 130 gráðu heitt vatn úr borholu við Hvalstöðina til að sjóða kjöt og fitu af beinunum. Hitinn reyndist of mikill og beinin misstu styrkinguna og urðu sum eins og svampur. Hauskúpan er illa löskuð.

„Þetta voru alveg skelfilegar aðstæður sem maður hafði og það var farið svolítið skart í þetta. Þetta tókst þó ágætlega miðað við aðstæður nema það eru þarna ákveðin bein sem verður að gera við. Það þarf að gera við hauskúpuna meira og minna. Það er hægt að nota stærsta hlutann af þessu eða bara gera hausinn hreinlega úr gerviefni,“ segir Þorvaldur sem kveður alls engan vafa á beinagrindin verði að lokum sýningarhæf. Grindin sé nú í geymslu í Keflavík og verði tilbúin til uppsetningar eftir tvö ár.

Þorvaldur hefur áður verkað beinagrindur úr meira en tíu smáhvölum. Engin þeirra stenst samanburð við steypireyðina. Þorvaldur kveðst því hafa leitað ráða erlendis og þá gert dálitla uppgötvun eftir að hafa gengið eftir skýringum.

„Þá kom í ljós að þeirra hvalir eru meira og minna úr plasti,“ segir Þorvaldur og bætir við að hvalreki eins og sá á Skaga sé mjög sjaldgæfur. Grindin úr steypireyðinni þaðan verði ein af fáum í heiminum sem gæti orðið alveg úr beinum. „Þannig að þessi hreinsun heppnaðist þokkalega en það sem ég veit í dag hefði ég viljað vita þá.“

Hér er afar fróðlegt myndband þar sem Þorvaldur Þór Björnsson hamskeri segir frá björgun, flutningi og verkun steypireyðarinnar af Skaga.

http://www.youtube.com/watch?feature=player_embedded&v=JfXPQRzz3pg

Þorvaldur Þór Björnsson hamskeri á Náttúrufræðistofnun Íslands flutti erindi sitt um hvalabeinagrindur og steypireyði sem rak á land á Skaga síðsumars árið 2010 á Hrafnaþingi miðvikudaginn 1. febrúar.

Fjallað verður í máli og myndum um vinnu við að afla hvalabeinagrinda en Náttúrufræðistofnun Íslands hefur slíkt með höndum lögum samkvæmt. Sagt verður frá hreinsun beinagrinda á strandstað og fullhreinsun þeirra en sú vinna tekur mjög mislangan tíma eftir stærð hvalanna. Einnig verður greint frá samsetningu og uppsetningu hvalabeinagrinda. Að lokum verða sýndar aðstæður og greint frá vinnu við að skera steypireyðina sem fannst 23. ágúst 2010 við Ásbúðir á Skaga.

Steypireyður er talin vera stærsta spendýr sem hefur lifað á jörðinni, hún getur orðið allt að 33 m löng og vegið um 110 til 190 tonn. Tegundin er talin vera í útrýmingarhættu. Hvalrekinn á Skaga 2010 er einstakur því það eru ekki til margar beinagrindur af steypireyði í heiminum.

Þessi grein skrifaði Þorvaldur Þór Björnsson hamskeri

Félag stórhvalveiðimanna óskar öllum hvalveiðimönnum nær og fjær gleðilegs árs 2013.               Næsti aðalfundur verður haldin þegar nær dregur sumri.

Bjössi var síðasti skipstjórinn á Hval 6.  Ég votta börnum hans og ættingjum alla mína samúð. því miður sá ég mér ekki fært að fylgja honum. Ég minnist hans sem góðum félaga og gleymi ekki góðum stundum þegar ég var háseti með honum á vakt á Hval 6.

 Sigurbjörn ÁrnasonBjössi í skotstellingum.

Þarna bíða Hvalur 6 og 7 eftir að verða lagfærðir.

Félagar í Hvalmönnum, fundur 30 desember á sama stað og í fyrra kl 13.00.

Annars langar mig að minnast gamlan hvalveiðifélaga sem er borinn til grafar í dag matreiðslumeistarinn Eyjólf Eyjólfsson eða Ebbi (kassi) sem við kölluðum hann. Hann var til fjölda ára kokkur á Hval 6. Og voru margir sem voru messar hjá honum,  sem minnast hans í dag. Var ég einn af þeim.

Blessuð sé minning hans.

	Japanski flotinn til veiða
Ábyrgðarmaður færslu Tilkynna um óviðeigandi tengingu við frétt