1.000.000 tonn af loðnu

Samkæmt frétt á http://www.visir.is/article/20071119/FRETTIR01/111190114 borðar hnúfubakur milljón tonn á Íslandmiðum.

Stofn hnúfubaks við Ísland er metinn hátt í 30 þúsund dýr. Tegundin er talin éta allt að milljón tonn af loðnu á ári við landið. Hnúfubakur er tákn hvalafriðunar og vísindaveiðar á tegundinni eldfimt pólitískt álitamál.

Hnúfubak hefur fjölgað gríðarlega við Ísland á undanförnum áratugum og er stofninn talinn vera allt að 30 þúsund dýr. Tegundin er talin éta hátt í milljón tonn af loðnu á ári við landið eða fimm til átta þúsund tonn á dag. Sérfræðingur á Hafrannsóknastofnun segir að veiðar Japana á hnúfubak, sem eru að hefjast, séu afar viðkvæmt mál vegna þess að hvalurinn sé tákn hvalafriðunar og friðunarsinnar bindi einna mestar tilfinningar við hann. Hann segir ótímabært að taka afstöðu til þess hvort vísindaveiðar á hnúfubak séu æskilegar á Íslandsmiðum.

Gísli Víkingsson, sérfræðingur hjá Hafrannsóknastofnun, segir að frá því að hnúfubakur var alfriðaður árið 1955 og fram á áttunda áratuginn hafi fá dýr sést við landið. Það sé til marks um hversu nærri stofninum hafði verið gengið með veiðum. „Síðan hefur hnúfubak fjölgað jafnt og þétt og sennilega nálgast stofninn að vera jafn stór og fyrir daga hvalveiða." Gísli segir að nákvæmar upplýsingar um át hnúfubaksins liggi ekki fyrir en magainnihald dýra sem hafa rekið á fjörur sýni að fæði tegundarinnar sé loðna og ljósáta í nokkuð jöfnum hlutföllum. „Við höfum gefið okkur að stofninn éti tíu til fimmtán þúsund tonn á dag og helmingurinn af því sé loðna. Átið gæti því verið allt að milljón tonn."

Spurður hvort vísindaveiðar séu ekki aðkallandi til að skera úr um át hnúfubaksins segir Gísli að ekki sé tímabært að taka afstöðu til þeirrar spurningar. Hann segir að mjög erfitt myndi reynast pólitískt séð að fá leyfi til vísindaveiða í Alþjóðahvalveiðiráðinu. „Hnúfubakurinn er tákn hvalafriðunar vegna þess að hann var veiddur hvað mest allra hvalastofna. Við hann binda friðunarsinnar einna mestar tilfinningar eins og sést á viðbrögðum við vísindaveiðum Japana."

Gísli segir skjóta skökku við að heyra röksemdir friðunarsinna um að veiðar Japana séu ekki vísindaveiðar fyrst að afurðirnar séu seldar. „Hins vegar er það beinlínis skylda í sáttmála Alþjóða hvalveiðiráðsins um vísindaveiðar að nýta afurðirnar eins og hægt er."
[e-mail]

Það verður spennadi að sjá hvað Hafró ráðleggur!

Athugasemdir

[Jóhann Elíasson, 24.11.2007 kl. 15:48]

Því miður Sigurður minn, HAFRÓ er stofnun sem er algjörlega ofurseld sínum eigin aðferðum og þar sem þeir hafa aldrei veitt Hnúfubak eða rannsakað hann af neinu viti, er varla við því að búast að þeir byrji á því núna.  HAFRÓ er bara risaeðla sem staðnaði og einhverra hluta vegna "dó" hún ekki alveg.