Hann er flottur forsetinn

Ég verð nú að að virða forseta Íslands fyrir þetta.

Hvalveiðar eru réttur Íslendinga

Athugasemdir

[Þorsteinn Siglaugsson, 20.12.2011 kl. 10:11]

Já, ekki spurning að hann kann sitt fag. Það þarf eiginlega enginn að efast lengur um að hann ætli fram í fimmta sinn í vor. Nú er Icesave búið, enginn alvöru málstaður lengur, en þá er auðvitað tilvalið að þjappa lýðnum saman um hvalveiðar (og breytir engu þótt eina hvalveiðifyrirtækið sé hætt að veiða hval því kjötið selst ekki).

[Einar (IP-tala skráð) 20.12.2011 kl. 11:10]

Nei, ég verð ekki að virða hann, enda dansar hann í kringum málefnið. Við stundum "Commercial whaling", það er að við veiðum til að græða, ekki til að viðhalda matarmennginu, sem er enginn þegar kemur að hvalkjöti því við eigum ekki langa sögu í hvalveiði miðað við nágranna þjóðir okkar og flest aðrar hvalveiðiþjóðir eins og Japan, enda getur hvalveiði bara talist sjálfbær á íslandi ef hún er ekki undirstaða matarþurftar okkar.

Innfæddir í Alaska eru með undanþágan því þeir selja ekki hvalkjötið heldur eingöngu til eigið nota, Það er ekki rétt að þeir veiði meira en við, við höfum veit mun meiri hval síðustu 10 ár en nokkurntímann innfæddir í Alaska.

Hvalveiðar eru líka leyfðar í Indonesíu og mörgum öðrum asísku ríkjum undir sömu undanþágu, en þar fá ættbálkar að halda úti mörg hundruð ára hefð sinni að veiða hvali, en allir þessir ættbálkar takast þó samt að veiða minna en við íslendingar gerum hver ár og telst sjálfbært.

Ef við ætlum að réttmæta hvalveiði sem part af okkar menningu þurfum við að hætta að selja hana og veiða hana undir sömu kringumstæðum og við veiðum rjúpuna, því það eru sömu forsendur fyrir því að bannað er að stunda "Commercial hungting" á henni og á hvalnum.

[S. Einar Sigurðsson, 20.12.2011 kl. 19:44]

Að sjálfsögðu er það eðlilegur réttur okkar Íslendinga að stunda hvalveiðar, og það gerum við að því tilskildu að veiðarnar fari fram með forsvaranlegum hætti og séu sjálfbærar, bæði líffræðilega og efnahagslega.

Við eigum ekki að gefa neinn afslátt á þessum rétti okkar að uppfylltum þessum skilyrðum.

 http://magnusthor.blog.is/blog/magnusthor/entry/1212459/

Hvalir eru náttúruauðlind, spendýr sem hafa verið nýtt frá örófi alda af mannskepnunni til matar og annarra nytja.

 Forseti Íslands heldur uppi afar mikilvægri málsvörn fyrir Íslensku þjóðina þegar hann segir að nýting auðlinda hafsins (þar á meðal hvalveiðar) sé nauðsynlegur þáttur í tilveru Íslendinga.

Líffræðilegur þáttur hvalveiða er nánast hundsaður af svokölluðum "hvalverndarsinnum" sem virðast ekkert huga að alvarlegu svelti hvala í heimshöfunum, - vegna glórulausrar offriðunar hvala og fleiri nytjastofna í áratugi.

Staðreyndir eru þær - að t.d. kynþroskaaldur langreyðar hefur verið að falla á Íslandsmiðum í einhverja áratugi -  og spiklag hvala á sumrin er í sumum tilfellum helmingi minna en var fyrir um 50 árum.

Svelti hvala og fiskistofna - vegna vanþekkingar ráðgjafa á líffræðilegum grundvallaratriðum í því náttúrulega fiskeldi sem fiskveiðistjórn á að vera - er löngu orðið háskalegt - og  í raun orðið alvarleg ógn við fjárhagslegt sjálfstæði Íslensku  þjóðarinnar.

Sumir láta eins og  svelti hvala sé "ekkert mál" -  og að svelti fiskistofna eins og Íslenska þorskstofnsins - vegna vanveiði s.l. áratugi - sé eitthvað sem ekki eigi að ræða opinberlega.

Að það sé "eðlilegt ástand" að afrakstur Íslenska þorskstofnsins  sé í dag um 150 þúsund tonn - sem var áður 450 þúsund tonn - við "stjórnlaust ástand" - er auðvitað mjög alvarlegt mál.

Enn alvarlegra er að leiða má margvísleg rök að því - að orsökin sé vanveiði á smærri þorski - en það virðist ekki mega ræða það opinberlega á Íslandi - vegna einhvers "metnaðar" nokkurra ráðgjafa og þeirrar opinberu meðvirkni-klíku sem svo "dansar með dellunni" - og lætur þetta viðgangast sem einhverja "ábyrga fiskveiðistjórn" sem auðvitað er bara tilbúinn farsi og í raun bara ómerkilegur og ósannur áróður.

Kjarni málsins  í hvalamáli Íslendinga - og líklegri vanveiði á þorski og fleiri nytjastofnum er grafalvarlegt mál - því hvoru tveggja varðar brot á grundvallaratriðum stjórnarskrár -  um víðtæka takmörkun atvinnufrelsis - á  forsendum sem virðast rangar.

Það eina sem vantaði í annars gott innlegg Forseta Íslands í samtali við USA Today - er að segja það skýrt og skorinort - að hvalveiðar Íslendinga - séu stjórnarskrárvarin réttur  samkvæmt stjórnarskrá okkar - og lýðræðislegur réttur okkar - sem sjálfstæðrar fiskveiðiþjóðar sem þarf að nýta náttúruna af skynsemi þannig að saman fari arður af veiðum nytjastofna - samfara því að nytjastofnar hafi næga fæðu.

Vanveiði á hvölum og fiskistofnum - leiðir að sjálfsögðu til sveltis þegar fæða minnkar á hvern einstakling - og fæða hafsins er ekki óendanlega mikil.

Aðilar sem virðast getað hugsað sérð að láta kúga okkur til að brjóta okkar eigin stjórnarskrá - með stuðning við alls kyns hótanir sem okkur berast um efnahagslegar þvinganir ef við ekki "hlýðum" og stöðvum hvalveiðar aftur - þeir aðilar ættu að huga að því að  þeir eru að styðja að ráðast sé að grundvallarmannréttindum Íslensku þjóðarinnar með stuðningi sínum við að framið verði efnahagslegt ofbeldi á Íslandi...

Líkja má svona hótunum um tilraun til að fremja efnahagslegt hryðjuverk - sem glæpastarfsemi - sem ætti í raun að varða sambærilega refsingu og aðrar tilraunir til hryðjuverka, - sem barist er á móti um allan heim - eða hvað?

"Græn" hryðjuverk eru tæplega neitt betri en önnur.

 http://kristinnp.blog.is/blog/kristinnp/entry/1212467/

Ég held að ofantaldir bloggarar svari ykkar hugleiðingum fullkomlega